Sekolo ke motswedi wa thuto
Kwa ke rutilweng go dirisa letshwao la khutlo
Kwa ke ithutileng poko
Ka itse go boka le yone phoko

Ke kwa re kopanang le ditsala tse disha
Ditsala tse di tsileng mafisa
Bangwe ba nne barutabana
Bangwe ba nna diganana

Re kgaogangwe ka mephato
Bangwe re ithute marato
Fa re faila re a dirise e le seipato
Fa go nna jalo re gane go tsaa dikgato

Morutabana a letse thupa
Basimanyana ba sie ba e go rupa
Marago a tuka molelo
Ya nna khuranyo ya meno,ga se selelo

Ke kwa ke ithutileng go fua dikwai
Ka dirisiwa jaaka sekai
Go supa fa go dira jalo go le borai
Ka tlogela bonyora
Ka lemoga fa sekolo se le botlhokwa le fa se bora
Selo se thuto se mosola
Ga se sepe se se ntshang mokola